AIR

今天在柏斯琴行找到了Suite No.3 3 BWV 1068的總譜，利用了我Cash 會員的身份，即刻有九折，真係幾好，做了會員成6-7年，終於享用cash 的優惠。

事不宜遲，打鐵趁熱，難得謝翠瑜開金『手』拉二胡，真係令人很感動，即刻就將份譜譯做簡譜，我好希望夾到呢首string quartet，又希望大家會喜歡啦。

呢幾日都好沉，好累，冇乜energy，shirley 唔係度，做左唔少佢應該做的事，但我又要上咁多堂，工作壓力都幾大，尤其星期三四五真係累爆。仲加上星期四Band 映相，一映就幾個鐘，第二日真係腰骨痛。

至於d 相，靚就好靚啦，只係我唔靚，所以成件事就差左d，我點睇我自己都唔順眼，我諗我都要係時候執正d 。

已經set 左目標，勇敢面對自己的優點，更加要面對自己的缺點，從內至外的改造。
那首校歌已造好orchestration，還算是滿意，等待錄唱的部份。

星期五晚完全唔記得返樂團，搞到人地等左我半個幾鐘，真係唔好意思。而今日返另一個樂團，俾我狂鬧十五分鐘，仲要係對住那些楚楚可憐的女同學狂炳，唔好意思，你地玩得真係好差，今日真係好唔俾面同學，乜野狗屎垃圾都拎出黎鬧，鬧完大家都冇晒mood。不過佢地就開始驚我，其實我可以好有求，唔好同我講你以前既樂團有幾勁，而家呢個幾雞，你以前樂團勁，係因為有你，你亦覺得自豪，而家既樂團水皮，亦都係因為有你，所以應該慚愧。

其實我係有要求的人，如果大家希望做得好d ，我係可以好嚴厲的。只是我會十分體諒大家，所以給你們方便，不致令大家難堪；可是若這個方便成為大家退步的原因，不再認真的原因，Sorry, 這個優惠做完了。

聽朝返教會做司琴，真算係我人生的第一次，都驚架。

下午四點文化中心場出show，希望可以有正常發輝，近來在bass 有不少領會，我覺得自己進步了，我亦希望大家也一起進步，這樣才有意思。