心緒不寧

這幾天心緒不寧。
我相信每個人的性格有三個層次以上，在初相識的人面前，一些熟絡的人面前，及深交的人面前。
就是因為對人信任，才會毫不保留的展現。亦同時展現脆弱的，醜惡的。
可能有些人內外均一，所以表面自我，衰格，內裡卻是仁慈。
我想我剛剛相反，因為d人越識得耐就越會覺得我衰。因為我經常期望做好人，其實我個人又未必係咁好。
都話唔講有深度既說話。
買了Logic Studio 8, 功能真係幾好，再裝埋Protools, Reason, Waves Plugin 就搞掂晒，不過今日裝那個MIDISPORT4X4 有d 困難，裝protools 仲難，諗住拎返屋企裝埋隻waves, 可惜有人只係俾左個盒我，有幾隻demo 碟，卻不見installer disc?做鬼都唔靈。

期望聽日可以搞掂晒，跟住就係set logic pro 夾Roland XV-3080, XV-88, Yamaha DD-55同埋WX-5，將所有Studio 的東西linkup 晒，下次上Computer Music 就可以佢地點駁同埋點用d sound module，synthesizer。
今日教logic，學生都幾好反應，可能真係幾好玩，下次要教佢地audio File 既Quantize 同埋tempo change ，佢地一定愛上Logic Pro ，所以我更加要做好功課。
其實我都好想教Level 3 既同學用Logic Pro 全功能，包佢地話正，但係我都冇機會教，如果佢地chromatic harmony可以學快d，咁我就有時間教佢地，而家見佢地用logic pro 真係心都翳晒。反而Level 2 同學經過個8星期純電腦音樂理論課後，一用software 個根基勁好多，見到好多同學識得問有sens 的問題，都好高興，不過只限B 班，可能有幾過有玩開啦。
今日拉二胡又冇房，係出面拉真係好噪，點解我book 親房都冇架。
----------------------------------------------------------------------
『無限』是什麼？
最近在看『創世紀』，及『宇宙洪荒』，提到人類，地球及宇宙的起源等科學、或者哲學、或者神學問題，當中提及挪亞及其子。有人認為世界的人全部均是挪亞的後代。書本雖然只是提供一些意見，並不是科學的証明，不過我越來越相信神創作萬物了。而且衪是唯一的。
因為人生命是有限期，能力亦有限，每一樣東西都受著物質環境及時間限制著，所以很難明白，亦很難想像上帝的有多大，從而出現一些質疑，或者對所有物件加上一個開始的時間。
可是神是自有永有，根本不受時間，物質所局限，所以是沒有時空的概念，人是沒法沒有時空是怎樣，總愛為萬物量度，地球已存在四十五億年，宇宙不斷擴大等。
有時我在想，會否世界上的所有宗教是同於一源，只不過人分散了，才有各自演釋。
說回『無限』，我覺得中國人(或許是印度人)對這個『存在』與大小的關係已有一定的見解。
個、十、百、千萬、十萬、百萬、千萬億、十億、百億、千億兆、十兆、百兆、千兆京、十京、百京、千京垓、十垓、百垓、千垓秭、十秭、百秭、千秭穰、十穰、百穰、千穰溝、十溝、百溝、千溝澗、十澗、百澗、千澗正、十正、百正、千正載、十載、百載、千載極、十極、百極、千極恆河沙、十恆河沙、百恆河沙、千恆河沙阿僧祇、十阿僧祇、百阿僧祇、千阿僧祇那由他、十那由他、百那由他、千那由他不可思議、十不可思議、百不可思議、千不可思議無量、十無量、百無量、千無量大數、十大數、百大數、千大數
每一個頓號，代表著多一個零。試想想，古時的人有什麼需要去衡量物件得如此巨大呢？
這個世代的人，懂得『兆』之後是『京』已經少之有少，因為沒有東西要用到如此大數值，那古時人用來度什麼呢？
分 (0.x)、釐 (0.0x)、毫 (0.00x)、絲 (0.000x)、忽 (0.0000x)、微 (0.00000x)、纖 (0.000000x)、沙 (0.0000000x)、塵 (0.00000000x)、埃 (0.000000000x)、渺 (0.0000000000x)、莫 (0.00000000000x)、模糊 (0.000000000000x)、逡巡 (0.0000000000000x)、須臾 (0.00000000000000x)、瞬息 (0.000000000000000x)、彈指 (0.0000000000000000x )、剎那 (0.00000000000000000 x)、六德 (0.00000000000000000 0x)、空虛 (0.00000000000000000 00x)、清靜 (0.00000000000000000 000x)
小的單位更令人讚嘆，原來我們日常用的字，原來是單位來的。所謂六根清靜，可能可以量化。haha。